Strano comportamento del primo ministro

Gömul grein en samt áhugaverð upprifjun á mörgum furðulegheitum í kringum þennan karakter. Hann er magnaðasta fyrirbæri íslenskra stjórnmála á þessari öld held ég. Hér er sagt frá því þegar hann fór að mæta í MR löngu eftir útskrift og þóttist vera einn af nemendunum:

“Hvers vegna Sigmundur tók upp á því að setjast með þessum hætti aftur á sinn gamla skólabekk hefur valdið fyrrum nemendum 6-Y heilabrotum allt til dagsins í dag. Einn þeirra segir Sigmund hafa lýst því hvernig hann vildi með þessu kanna hvaða kennarar þekktu hann ennþá og hverjir ekki. „Þetta var ótrúlega furðulegt allt saman,“ segir hann. „Ég kenndi í brjósti um þennan strák sem talaði ekki við neinn og virtist hálf feiminn og lítill í sér. Ég ákvað því að tala við hann og opna svona aðeins dyrnar inn í bekkinn fyrir hann. Þá leggur hann spilin á borðið og segist vera löngu útskrifaður úr MR. Hann hafi verið að koma úr námi erlendis og ákveðið að nýta dauðan tíma áður en hann byrjaði í nýrri vinnu í að heimsækja gamla skólann sinn.“